سن سید شاہ افضال پنل

سن سید شاہ افضال پنل

ہن لگیاں دی لج پال پنل

بن دید تیڈی میں جان بلب

ذرا میں ول اکھیاں بھال پنل

سن سسڑی دا تو یار پنل 

کوئی ایسی کر چا کار پنل 

میڈی خواہش مرضی مارپنل

تھیوے ہستی تار و تار پنل

میڈا زمن زمین زمان پنل

 مستقبل ماضی حال پنل

تیکوں ڈیکھ کے رب دی حمد کراں

شکر کراں لکھ وار پنل

تیری اکھیاں دے مسکار پنل

 میں رواں زارو زارپنل 

تو شہر عشق دا شہزادہ 

میں اصلوں ہاں کنگال پنل

بابا طاہر شاہ دا مزار پنل 

پئے ملدے یار کوں یار پنل 

تیڈی دید دی سکدی باندی دا

سائیں سانول سینہ ٹھار پنل

میڈے فہم ادراک تے قبضہ کر

کر ایسا وصل وصال پنل

کتھاں پیر سواگ دی نگری ہا

 کتھاں سون تے کلرکہار پنل     

کتھاں قالو بلا دے وعدے ہن 

کتھاں نور فقیر  نادار پنل

جڈاں اسرافیل نے سڈماری

 اساں ٹرسو ں تیڈے نال پنل

ڈیہہ زندگی دے ڈوں چار پنل

دل رقص کرے بیمار پنل

 تیڈا دامن نپ سرکار پنل

 کرے وحدت دا پرچار پنل

تیڈے لکھ ہزار خدام پنل

تو پاک نبی دی آل پنل

سن سید شاہ افضال پنل

ہن لگیاں دی لج پال پنل

بن دید تیڈی میں جان بلب

ذرا میں ول اکھیاں بھال پنل

Similar Posts

  • کرم فرماؤ ہا

    سائیں نور کمینے کتڑے کوں در اپنے تے سڈواو ہا، کرم فرماؤ ہا یا خواب اچ سوہنی صورت دی مٹھڑی جھات پواو ہا، کرم فرماؤ ہا جتھاں حسن حسین وی باندھے ہن نانا سائیں دے مونڈھے تے میں کنگلی گناہے ماری کوں اوہ گلیاں پاک ڈکھاؤ ہا،  کرم فرماؤ ہا میڈے  آنڈھ گوانڈھ دے سنگتی…

  • سب دا بھیا جانی اے

    ویر ساڈا تنویر ساڈا جو سب دا بھیا جانی اے  دکھ سکھ سن کے سب دے جیہڑا تقسیم کرے اسانی اے  علم کماؤ پڑھدے جاؤ، قوم ملک دا ناں چمکاؤ پر روزی روٹی پیٹ تے پیسہ دنیا آنی جانی اے  یقین کرو سب سنگیو یارو دنیا بالکل فانی اے  باہج ذکر اللہ دے بندیو کوڑی…

  • ہر دم نورتے نظر رکھیندا

    ہر دم نورتے نظر رکھیندا ہک پل دور نہ ہوون دیندا دور ہوواں تے ڈور کھچیندا چنگی ڈاھڈی پکڑ کریندا زخماں لئی فیر مرہم دیندا اوہ ہے میرا یار نی سیو جس لانا بیڑا پار نی سیو دن زندگی دے دو چار نی سیو نہیں ہونے ہور وپار نی سیو شالا کرو دعاواں توڑ چڑھے…

  • دسیا شاہواں

    دسیا شاہواں دسیا شاہواں کلام شاعر ڈاکٹر نور احمد محمدی سیفی بزبان ڈاکٹر نور احمد محمدی سیفی https://rehanwala.org/poetry/dasya-shahwaan/ Posted by RehanWala.org on Friday, January 17, 2025 کلمے پاک نے سوکھیاں کیتیاں ساریاں اوکھیاں راہواں دسیا شاہواںکلمے باھج فقیراں تائیں نہ کوئی ہور پناہواں دسیا شاہواں رب سوہنے نے الفت بخشی اندر پیر بھراواں دسیا شاہواںنفی…

  • اوہ میڈا سلطان اے

    سوہنا سید حنفی سیفی وسدا وچ ریحان اے  اوہ میڈا سلطان اے جند قربان اے لکھ احسان اے شاہ افضال دی مونجھ دی ماری جندڑی دا اعلان اے اوہ میڈا سلطان اے جند قربان اے لکھ احسان اے اوہ گنج بخش ہے میڈا داتا لوں لوں وچ فیضان اے اوہ میڈا سلطان اے جند قربان…

  •  چن چمکار اے

    فرض کرو جو اج دی راتیں سفر میکوں درکار اے   چن چمکار اے ڈیکھو تارے چمکن سارے، پئے کردے سب اقرار اے   چن چمکار اے اساں واسی سون دے اینہں من دے اوہ وسدے روہی پار اے  چن چمکار اے ظالم شیر تے رچھ تے چیتے ، تھئیے رستے کل دشوار اے   چن چمکار اے…

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے