لنگڑے لولہے تن من چھالے ہتھ جوڑ کے ٹیڈو آگئے
کوڑھ مرض دے مارے سائیاں شکر ہے تیکوں بھاگئے
خلقت ساکوں رلدیاں ڈ ٹھا اساں رلدے رلدے رل گئے
پیر سواگ دی نگری راہندےاساں نام اللہ دا بھل گئے
حسن حسین تے محسن میڈے آقا شاہ افضال
لکھ کروڑوں درود نبی سائیں جیوے تیڈی آل
ہک کونج قطار جو اڈ گئی ہا، اونہہ کونج قطار دا کیا بنڑسی یخ بستہ روس دی سردی وچ راہ دشوار دا کیا بنڑسی تیز طرار ہواواں ہن جکھڑ اندھیار دا کیا بنڑسی ظالم باز تے شکرے ہن، پکھی نادار دا کیا بنڑسی سون اچ بارش تھئی کوئی نئیں سکے جھیل آبشار دا کیا بنڑسی …
سن سید شاہ افضال پنل ہن لگیاں دی لج پال پنل بن دید تیڈی میں جان بلب ذرا میں ول اکھیاں بھال پنل سن سسڑی دا تو یار پنل کوئی ایسی کر چا کار پنل میڈی خواہش مرضی مارپنل تھیوے ہستی تار و تار پنل میڈا زمن زمین زمان پنل مستقبل ماضی حال پنل تیکوں…
ویر ساڈا تنویر ساڈا جو سب دا بھیا جانی اے دکھ سکھ سن کے سب دے جیہڑا تقسیم کرے اسانی اے علم کماؤ پڑھدے جاؤ، قوم ملک دا ناں چمکاؤ پر روزی روٹی پیٹ تے پیسہ دنیا آنی جانی اے یقین کرو سب سنگیو یارو دنیا بالکل فانی اے باہج ذکر اللہ دے بندیو کوڑی…
سوہنا سید حنفی سیفی وسدا وچ ریحان اے اوہ میڈا سلطان اے جند قربان اے لکھ احسان اے شاہ افضال دی مونجھ دی ماری جندڑی دا اعلان اے اوہ میڈا سلطان اے جند قربان اے لکھ احسان اے اوہ گنج بخش ہے میڈا داتا لوں لوں وچ فیضان اے اوہ میڈا سلطان اے جند قربان…
فرض کرو جو اج دی راتیں سفر میکوں درکار اے چن چمکار اے ڈیکھو تارے چمکن سارے، پئے کردے سب اقرار اے چن چمکار اے اساں واسی سون دے اینہں من دے اوہ وسدے روہی پار اے چن چمکار اے ظالم شیر تے رچھ تے چیتے ، تھئیے رستے کل دشوار اے چن چمکار اے…
میڈی رات دا قطبی تارا توں میرے جوش جنون دا نعرہ توں میڈی ہمت طاقت ہستی تو ں میڈی آس دا محل منارہ تو ں میڈا قلبی روحی سری توں میڈے نفی اثبات دا دھارا تو ں میڈے پیار پریم دا شربت توں میڈا سوہنا سائیں منٹھار سجن کل نبیاں دا سردار…
