شاہ جیلان اے
قلبی روحی سری میرا خفی اخفا جان اے
شاہ جیلان اے
ڈوبے بیڑے تردے ویکھو غوث پیا دی شان اے
شاہ جیلان اے
گردن پیش ہے قدما خاطر، حاضر جندتے جان اے
شاہ جیلان اے
اس گردن دی وقعت کیہڑی، سو سر قدمی قربان اے
شاہ جیلان اے
اج غوث پیا دے قدماں اندر پلکاں وچھدیاں جان اے
شاہ جیلان اے
اوکھے لمے ڈونگے پینڈے، وچ نور پھرے حیران اے
شاہ جیلان اے
زہرہ پاک دی چادر صدقہ ھر مشکل کرو آسان اے
شاہ جیلان اے
رب دی راہ تے ہمت بخشو، ودھاو نور دے مان اے
شاہ جیلان اے
شاہ افضال لال تساں دے، کیتے ڈھیر احسان اے
شاہ جیلان اے
(یاد رہے پیر و مرشد کریم ننھیالی شجرہ طیبہ کے لحاظ سے اولاد غوث ثقلین ہیں)